Gå til sidens hovedinnhold

Vald til leiar av Hordaland KrF

Artikkelen er over 2 år gammel

– Eg er utruleg stolt og audmjuk over å ha blitt vald til leiar for Hordaland KrF, som er eit av KrF sine største fylkesparti. Me har fått eit godt styre på plass som eg gler meg til å samarbeide med, seier Lindås-ordførar Astrid Aarhus Byrknes i ei pressemelding.

Ho er no vald som fylkesleiar for Hordaland KrF. Dermed vert ho historias siste Hordaland KrF-leiar då det er vedtatt å etablera Vestland KrF frå nyttår av.

– No skal me byggja laget, og kjempa for at KrF skal få mest mogleg innflytelse i kommunane og i det nye fylket Vestland etter valet. KrF er eit samarbeidsparti, der kvardagen til innbyggjarane er det viktigaste, seier Byrknes vidare.

Hordaland KrF og Sogn og Fjordane KrF hadde denne helga fylkesårsmøter på Sunnfjord hotel i Førde.

Les også

Astrid Aarhus Byrknes på veg mot leiarvervet til Hordaland KrF

 

Med seg i styret får Byrknes desse:

Jarle Skeidsvoll (1. nestleiar)

Vigdis Anita Gåskjenn (2. nestleiar)

Jarle Jacobsen (Direktevald representant)

Joel Ystebø (leiar Vestland KrFU)

Sæbjørg Hageberg Kjeka (leiar Hordaland KrF Kvinner

Tor André Ljosland (leiar for fylkestingsgruppen)

Per-Erik Gåskjenn (leiar Bergen KrF)

Les også

Nytt styre i Alver KrF

 

Kommentarer til denne saken