Like etter klokka 19 laurdag kveld opplyser naudetatane om ei trafikkulykke mellom to bilar på Radøy.
Først melde brannvesenet at det skjedde i Marøyvegen. Seinare retta dei til at ulykka skal ha skjedd i Slettevegen.
– Ein front mot front-kollisjon. To bilar med seks personar er involverte. Større materielle skadar, opplyser politiet.
Alle personane er ute av køyretøya og medvitne. Det er mogleg å passera ulykkesstaden.
Brannvesenet oppdaterer at dei har kontroll på staden og at ein elbil er gjort straumlaus.
Laurdag kveld snør det fleire stadar i distriktet, og det kan vera glatt på vegane.