I byn har dei bussar. Men Knarvik-russen har nokre heilt spesielle doningar

I Knarvik fins det ikkje ein einaste russebuss. Men van, campingvogn og limousin - det har dei.
Publisert

Medan bergensrussen brukar år på å planlegge russebuss, brukar knarvikrussen tida på andre framkomstmiddel.

– Vi har ikkje russebuss fordi det krev enormt med planlegging, og i tillegg er vi alle svært opptatt med jobb og skule og dermed vart ikkje dette ein prioritering, fortel Sofie Dregi som er medeigar av knarvikrussen sin einaste russe-van, som blir backa opp av eigarane av russelimousinen og russecampingvogna.

– Målet var å finne ein rimeleg bil som alle hadde råd til. Vi valde å prioritere sikkerheit over interiør. Interiøret inni har vi oppgradert sjølv, fortel Sofie om russevanen. Ungdommane har saman med hjelp frå foreldra betra lys- og lydanlegg i vanen.

Det var allereie i byrjinga av tredjeklasse av fjerdeklassingane frå TAF Bygg og Helse bestemte seg for å lage eit russekonsept saman. Etter mykje diskusjon ungdommane i mellom vart namnet «Godt og blandet». Desse er no eigarane av Knarvik-russen sin einaste russe-van i 2017.

Minst mulig pengar på mest mogleg feiring.

Andreas Sundsbø

Med på bilen er Sofie Othilie Dregi, Annette Skåltveit Aakre, Øyvind Vabø Kloster, Vetle Thorsen With, Lars Olav Skjeldrum Toppe, Lars Høgh og Knut Olav Ulvenes.

– Ettersom vi alle jobbar gjennom skulen hadde vi pengar å bruke på van. Sofie fortel vidare at dei har skaffa fleire sponsorar for å hjelpe å finansiere prosjektet: Villanger Kjøreskule, Eplemost frå Skjeldrum, Toppe gartneri, Tømrer og gardsgut, Olsen Tømrer og Byggservice, Anette With, Espen Iversen og Mona Brattland.

Oppe f.v.: Sofie Othilie Dregi, Lars Høgh. Nede f.v.: Øyvind Vabø Kloster, Annette Skåltveit Aakre, Vetle With Thorsen og Knut Olav Ulvenes

Oppe f.v.: Sofie Othilie Dregi, Lars Høgh. Nede f.v.: Øyvind Vabø Kloster, Annette Skåltveit Aakre, Vetle With Thorsen og Knut Olav Ulvenes Foto:

Gjengen er nøgd med å ikkje ha russebuss, ettersom arbeidet med bussar krev enormt med planlegging og arbeidstimar.

– Vårt prosjekt har gjort at vi har blitt betre kjent med kvarandre, og samstundes har det vore kjekt å ha eit prosjekt å sjå fram til i russetida. Dette er verkeleg til å anbefala for kommande russ, seier Sofie Dregi.

Nh Ung

Denne saka er skriven av avisa Nordhordlands ungdomsredaksjon: Nh Ung.

Les meir om Nh Ung her.

Russe-limousin

For gutane i Sambuca falt valet på ein eigen russe-limousin.

Som 17- og 18-åringar gjekk d turen for gutane til Vinstra i Gudbrandsdalen for å kjøpa ein limousin frå 1985.

Eigarane av Knarvik, og kanskje Noreg, sin einaste amerikanske limousin av typen Ford Lincoln Towncar er Frode Sæbø, Eivind Vikne, Sebastian Teigen Nygård, Runar Waardal Hagesæter og Marius Villanger, som saman kallar seg Sambuca 2017. Slik som «Godt og blandet» fann dei køyretøyet på nettstaden finn.no.

– Me har vore så heldige å få hjelp av to dedikerte herremenn på Osterøy som er genuint interesserte i amerikanske bilar, Levi Vatle og Einar Andreas Mjelde. Dei har vore til fantastisk god hjelp og er verdt å nemna med ein hyllest i avisa, fortel Villanger om hjelparane som fekk limousinen EU-godkjent. 

Vidare fortel han at dei har klart seg utan hjelp frå foreldra, til verken arbeid eller økonomi, og at dei har jobba dugnad for Plantasjen dei siste tre åra for å ha råd til prosjektet.

Villanger angrar ikkje på arbeidet gutane har lagt ned for å gjennomføre russekonseptet, i ein elles travel skulekvardag.

– Som kameratar har me kost oss med dette prosjektet. Når me ser tilbake på dette no, ville med aldri vore forutan.

F.v.: Sebastian Teigen Nygård, Eivind Vikne, Frode Sæbø, Runar Hagesæter og Marius Vågenes Villanger

F.v.: Sebastian Teigen Nygård, Eivind Vikne, Frode Sæbø, Runar Hagesæter og Marius Vågenes Villanger Foto:

Førre helg tok gutane med seg limousinen på landstreffet for russen i Stavanger, der dei fekk mykje merksemd.

– Folk tutar gjev tommel opp, smiler og ler når dei ser oss. Stoppar vi på ein bensinstasjon, kjem skuelystne som vil spør og grev, og vil sjå køyretøyet vårt på nærare hald. Mange tek også bilde, fortel Marius.

I helga ventar Landstreffet i Bergen.

– I tillegg har me vore så heldige å få køyra i flaggtoget til Hovedprosesjonen i Bergen. Det er ei stor ære og noko me synest er svært stas. Elles skal me oppføra oss bra, og vera gode forbilde for andre medruss og yngre skulebarn som ser opp til oss, avsluttar Marius som anbefaler kommande russ å nyte russetida og bruke ho som ei fortent avkopling frå hektisk skuletid.

Me har ikkje brukt meir enn tusen kroner per person, men det har likevel vore storarta

Andreas Sundsbø

– Me vil anbefala yngre kull til å feira fullt ut og kosa seg med sosiale samankomstar i russetida. Russetida er veldig kjekk, her får ein minner for livet, og knyter gode kjenningar med jamaldringar i heile landet. Det er herleg å kopla ut litt frå skulen, trass i at det også kan bli hektisk, avsluttar Marius Villanger frå russelimousinen Sambuca 2017.

Russe-campingvogn

Men limousinen er kanskje ikkje det aller mest utradisjonelle russeframkomstmiddelet Knarvik har å by på. Her finst nemleg også ei russecampingvogn.

Den er eigd av Stine jektvik, Even Sandnes, Andreas Sundsbø, Halvor Einar Hagenes, Kristoffer Skjelanger og Håkon Dalseng, som byrja planlegginga berre ein månad før russetida starta.

Vogna vart kjøpt av bandet Andreas speler i, og vart brukt som festivalvogn, som ho igjen skal brukast til etter russetida.

– Me har gjort alt sjølv. Arbeidet me har gjort inneber foliering, vedlikehald og montering av kilometervis med kablar, fortel Andreas, og viser lysa som heng over heile vogna. 

Venstre: Even Sandnes, oppe: Andreas Sundsbø, nede: Håkon Dalseng, høgre: Kristoffer Skjelanger

Venstre: Even Sandnes, oppe: Andreas Sundsbø, nede: Håkon Dalseng, høgre: Kristoffer Skjelanger Foto:

– Me har ikkje brukt meir enn tusen kroner per person, men det har likevel vore storarta. Dette er noko alle bør gjere i russetida, oppmodar han.

– Minst mogleg pengar på mest mogleg feiring, fortel Andreas som meiner at framkomstmiddelet ikkje er det viktigaste med russetida. Også desse gutane er sponsa av Villanger Kjøreskule.

Artikkeltags