Regjeringa ber nordmenn vente 14 dagar med å ha gjester
Statsminister Erna Solberg, kunnskaps- og integreringsminister Guri Melby og barne- og familieminister Kjell Ingolf Ropstad inviterer til pressekonferanse om koronasituasjonen. Helse- og omsorgsminister Bent Høie, helsedirektør Bjørn Guldvog og direktør Camilla Stoltenberg i Folkehelseinstituttet vil også være til stede på pressekonferansen. Foto: Fredrik Hagen/NTB
Begrensingar i heimebesøk og sosiale samkomer, og raudt nivå på alle ungdomsskular og vidaregåande skular er blant dei nye tiltaka regjeringen har presentert.
Regjeringa ber alle i Norge vente med å ha besøk dei neste 14 dagane. Samstundes vert det sett ei grense på fem personar i private samkomer utanfor eigen heim.
Aleinebuande kan ha besøk av og gå på besøk til maksimalt to faste venner, opplyser regjeringa i ei pressemelding.
Det er også unntak for nødvendige heimetenester og besøk hos personar som er i livets siste fase. Barn i barnehagar og barneskular kan ha besøk frå egen kohort.
Når det kjem til private samkomer utanfor eige heim, som for eksempel ei bursdag i leid lokale, understrekar regjeringa at dersom man er fleire enn fem i same husstand, kan alle i husstanden møtes.
På regjeringas pressekonferanse søndag sa statsminister Erna Solberg (H) at det framleis vil vere lov å møtes utandørs for å for eksempel gå ei tur.
– Det er mykje mindre smitte ute, men du må halde avstand. Eg ser at folk kanskje av og til trur at dersom du er ute, gjeld ikkje meteren, men det gjør den, sa ho.
Fakta om den sosiale nedstenginga
Tilrådingar for heile landet:
- Unngå å ha gjester i heimen. Vent 14 dagar med private besøk. Unntak for nødvendige heimetenester og besøk hos personar som er i den siste fasen til livet. Aleinebuaende kan ha besøk av eller gå på besøk til ein til to faste venner eller til ein fast husstand. Barn i barnehagar og barneskular kan ha besøk frå eigen kohort.
- Alle organiserte fritidsaktivitetar, idrettsaktivitetar, kulturarrangement og livssynssamlingar innandørs blir tilrådde utsett til etter 18. januar.
- Unngå alle unødvendige reiser i inn- og utland.
- All undervisning og alle planlagde arrangement ved universitet, høgskular og fagskular blir digitale fram til 18. januar.
- Alle dei vidaregåande skular og ungdomsskular går over til raudt nivå.
- Heimekontor for alle som har moglegheit til dette.
- Alle kjøpesenter og butikkar bør innføre avgrensingar i talet på besøkande slik at det er mogleg å halde avstand og dessutan ha inngangskontroll.
- Utandørs aktivitetar kan gjennomførast dersom det er mogleg å halde god avstand.
- Toppidretten og kulturutøvarar som har eit særskilt unntak med eiga regulering, blir ikkje omfatta.
Reglar for heile landet:
- Maksimalt fem personar på private samankomstar utanfor eigen heim, som til dømes ein bursdag i leigd lokale. Viss ein er fleire enn fem i same husstand, kan alle i husstanden møtast.
- Maksimalt ti personar på innandørs idrettsarrangement, kulturarrangement, seminar, livssynssamlingar, seremoniar osb., likevel 200 personar der alle i publikum sit i fastmonterte sete. I gravferder kan det vere opp mot 50 personar, sjølv om seta ikkje er fastmonterte. Dei fleste av desse arrangementa vil uansett ikkje vere i tråd med nasjonale tilrådingar og bør derfor utsetjast eller bli avlyste.
- Det blir innført nasjonalt forbod mot skjenking av alkohol på serveringsstader og arrangement.
- Tiltaka gjeld frå måndag 4. januar til måndag 18. januar. I midten av månaden vil regjeringa gjere ei ny vurdering av situasjonen.
Kilde: NPK-NTB
Raudt nivå på ungdomsskular og vidaregåande skular
Regjeringa ber ungdomsskulane og vidaregåande skular følgje raudt tiltaksnivå i smittevernrettleiaren dei neste to vekene.
– Bruk av raudt nivå i skulane i område med høgt smittenivå har vist seg å fungere godt for å avgrense smitte, og smittetala gjekk kraftig ned for 13- til 19-åringar i vekene etter at raudt nivå vart innført i delar av landet, seier kunnskaps- og integreringsminister Guri Melby (V).
Regjeringa ber òg kommunar med høgt smittepress vurdere om dei skal gå over til raudt nivå òg i barnehagar og barneskular.
Tiltaket gjeld i første omgang til 18. januar.
– Er du usikker på om du må teste deg, test deg
Barne- og familieminister Kjell Ingolf Ropstad (KrF) ber alle som har milde symptom om å teste seg.
– Du kan utgjere ein forskjell. Vi er heilt avhengig av at kvar enkelt følgjar alle råda og reglane, for det er berre slik vi kan få kontroll på smitten, sa Ropstad på pressekonferansen til regjeringa søndag kveld.
Han la vekt på kor viktig det er å teste seg, sjølv om ein berre har milde symptom.
– Fleire kommunar melder no at folk har symptom i fleire dagar før dei testar seg. Mange tenkjer at det berre er ei heilt vanleg forkjøling.
– Det er slik at koronaviruset ser svært ulikt ut hos ulike menneske. Det er derfor veldig viktig at du testar deg, sjølv om du berre har veldig milde symptom. Elles risikerer du å spreie smitten vidare til folk som kan bli svært sjuke, sa Ropstad.
Han sa at den korte beskjeden er enkel:
– Er du usikker på om du bør teste deg, så gå og test deg.
Han oppmoda òg folk om å bruke den oppdaterte versjonen av smittesportingsappen Smittestopp.
– Det kan spare enormt viktig tid for helsepersonell som er pressa den kommande tida, sa Ropstad.
Kommentarer til denne saken