Kva har Dr. Hook, Staysmann & Lazz og Stavangerkameratene til felles? Dei kjem alle til Nordhordland i år

Populære: Gunslingers er populære på Radøy. Dei siste fire åra har dei spelt for utseld hus i Hordabøhallen. I november kjem dei tilbake nok ein gong.Arkivfoto: Yngve Garen Svardal

Populære: Gunslingers er populære på Radøy. Dei siste fire åra har dei spelt for utseld hus i Hordabøhallen. I november kjem dei tilbake nok ein gong.Arkivfoto: Yngve Garen Svardal

Av
Artikkelen er over 1 år gammel

Hordabø Idrettslag har eit variert program for Hordabøhallen i 2018. Billettsalet på fleire av arrangementa er allereie godt i gang.

DEL

24 mars held Stavangerkameratene konsert. Kameratane frå Stavanger er særs populær om dagen og konserten i Hordabøhallen har vore utseld lenge. 800 billetter blei rive vekk på eit par veker tidleg i januar.

Etter mange førespurnader blir det endeleg arrangert dansegalla i Hordabøhallen. Laurdag 28 april kjem Ingemars, Norges beste danseband til Bøvågen og har med seg populære Steinar Engelbrektson Duo. Desse to banda vil nok få skikkelig fart på danseføttene.

Dr. Hook i august

Sjølvaste Dr.Hook, med Dennis Locorriere i spissen, kjem til Hordabøhallen fredag 24 august.

Dr.Hook turnerer sjeldan i Norge så me er svært beæra over å få eit så storfint besøk til Bøvågen. Kven hugsar vel ikkje «When You're in love with a beautiful woman», «Sylvia's Mother», « Only sixteen», «Cover of the Rolling Stone», «Sharing the night together» eller ein av dei mange andre slagerane Dr.Hook varta opp med i si stordomstid på 1970-talet?

Dette vil bli ein hit-parade av dei sjeldne der flashbacka og dei gode minnene vil stå i kø. Og som om ikkje det var nok så spelar det populære Bergens-bandet BRIS opp til dans før og etter Dr. Hook. Desse to banda er garantistar for ein uforgløymeleg kveld.

Staysmann i november

Tradisjon tru kjem Gunslingers tilbake i november. Gunslingers har dei fire siste åra spelt for fullt hus i Hordabøhallen. Laurdag 24 november har dei med seg Staysmann & Lazz, som også veit å skape stemning. Staysmann, som nyleg var med i Kjendis-Farmen spelar livleg og stemningskapande musikk og saman med Gunslingers må dette berre bli ein heilt topp kveld.

Billettsalget til både dansegalla, Dr.Hook og Gunslingers/Staysmann & Lazz har opna. Til alle arrangementa er det seld godt med billettar allereie så det lovar godt for fleire fulle hus.

Artikkeltags