Dei siste åra har rådmann i Austrheim kommune, Liv Løvvik, levd med ein alvorleg kreftdiagnose.
Samstundes som at ho fekk kreftbehandling, har ho stått på med arbeidet sitt i kommunen heilt fram til 22. januar.
Fredag morgon kom meldinga om at Løvvik gjekk bort i natt.
Det melder Austrheim kommune på si heimeside.
Ei eldsjel
– Me lyser fred over hennar minne, og at våre tankar går til hennar familie og alle som stod henne nær, seier ordførar Per Lerøy.
Lerøy legg til at Løvvik brann for Austrheim kommune, og den oppgåva ho hadde.
– Ho var glødande interessert i å få organisasjonen til å fungera slik ho hadde tenkt.
Fekk kreftdiagnose i 2018
10. oktober 2018 hadde Løvvik sin første arbeidsdag i Austrheim.
Kort tid etterpå fekk ho beskjed om at ho hadde kreft.
Sidan det var Løvvik gjennom omfattande behandling, men utan at ein lukkast med å få vekk kreften.
Kommunen opplyser på si heimeside om at det vert lagt ut ein kondolanseprotokoll i Servicekontoret på kommunehuset.
Assisterande rådmann Bjørnar Fjellhaug er konstituert som rådmann inntil vidare.
Sjukmeld etter kort tid i jobben – Austrheim får ny rådmann mot sommaren
