Fråstolen bilen på motorvegen rett før Fløyfjelltunnelen

Sjåføren trudde mannen langs motorvegen var i trøbbel.

DEL

(BA): Det var like før midnatt litle julaftan at bilisten kom køyrande nordover mot Fløyfjelltunnelen.

– Han oppdaga ein mann gåande langs motorvegen på rampen ved sørsida av tunnelen, seier operasjonsleder Per Algrøy natt til måndag.

Bilisten blei uroa for tryggleiken til fotgjengaren og stoppa bilen.

– Han ville høyre om alt var i orden, seier Algrøy.

Bilisten gjekk ut for å prate med fotgjengaren og forlot bilen med nøkkelen i tenninga.

– Bilisten blei slått til av den ruspåverka mannen, seier Algrøy.

Var på veg heim frå jobb

I tumultene greidde fotgjengaren å smette inn i bilen. Han begynte å køyre mens den fortvila eigare stod på utsida og forsøkte å stoppe ham.

– Politiet blei kontakta. Vi leita etter bilen, men fann den ikkje med det første seier Algrøy.

Så fekk dei plutseleg ein telefon frå ein av sine eigne.

– Ein politibetjent var på veg heim frå jobb i natt. Ho visste om at vi leita etter bilen. Ho observerte den tilfeldigvis på Nesttun og følgde etter, seier Algrøy.

Politiet rykte ut og fekkk pågripe mannen i 40-åra.

I tillegg til valden og biltjuveriet, mistenker politiet mannen for å ha køyrd i ruspåverka tilstand.

Bileigaren blei heldigvis ikkje alvorleg skadd.

Artikkeltags