Gå til sidens hovedinnhold

Statoil må forklara seg for Petroleumstilsynet

Artikkelen er over 5 år gammel

I grålysninga hasta Statoil-sjef Arne Sigve Nylund inn til Petroleumstilsynet for å gjere greie for kvifor dei har hatt fleire alvorlege hendingar på to veker.

Statoil opplyser at Nylund, som er konserndirektør for utvikling og produksjon, skal møte Petroleumstilsynets direktør Anne Myhrvold, i følge med områdedirektør Mette Halvorsen Ottøy for Statoil Drift Sør.

Dei skal gå gjennom hendingane den siste tida, den siste av dei tysdag då 600 tilsette måtte evakuerast frå oljeraffineriet på Mongstad etter ein hydrogenlekkasje.

LES OGSÅ: Statoil Mongstad evakuert etter gassalarm

Den første av dei alvorlege hendingane dei siste par vekene skjedde onsdag 12. oktober då ein 17 år gamal skuleelev blei kritisk skadd i ein gasslekkasje på Stureterminalen i Øygarrden.

Totalt seks personar blei sendt til sjukehus etter å ha pusta inn den giftige gassen hydrogensulfid.

Deretter følgde gasslekkasje på boreriggen Songa Endurance på Trollfeltet, brann i ei pumpe på Statfjord A, og seinare samme dag oppsto endå ein gasslekkasje på Gullfaks A.

Petroleumstilsynet meiner liv kunne ha gått tapt i tre av hendingane, og kalte inn leiinga i den norske oljegiganten på kort varsel.

Kommentarer til denne saken