Rekordutbytte: Betalar ut 15,6 millionar kroner til lokale kundar

Gjensidige har lang tradisjon for å betale ut delar av overskotet sitt i kundeutbytte.

I år blir det ei rekordstor utbetaling til kundar i Nordhordland. 15,6 millionar kroner skal betalast ut, det er det største beløpet nokon sinne, opplyser selskapet i ei pressemelding.

– 2017 var eit godt år for Gjensidige, og difor kan vi i år dele ut eit solid utbytte. I Gjensidige går mesteparten av utbyttet til kundane, seier konsernsjef Helge Leiro Baastad i pressemeldinga.

Der blir det opplyst at ein privatkunde i snitt får utbetalt 1624 kroner i kundeutbytte i år.

Gjensidige har 800.000 kundar på landsbasis, og dei får 2,2 milliarder kroner i kundeutbytte. Utbyttet tilsvarar omtrent 14,4 prosent av det kundane betalte i forsikring i fjor.

– Sidan vi begynte å dele overskotet med kundane, i 2007, har kundane fått over 17 milliarder kroner i kundeutbytte, seier Baastad.

Gjensidige hadde ifølge årsrapporten eit resultat på 4,5 milliardar kroner etter skatt i 2017.

15 564 162 kroner av dette blir fordelt til kundar i Nordhordland-kommunane. Under ser du fordelinga per kommune.