Lothepus-feber på Knarvik senter

Lothepus (Leif Einar Lothe), Finn Tokvam og Vendela Kirsebom sit bak eit bord i Knarvik senter.

Til den eine sida kveilar køa seg rundt hjørnet, fint ordna med svarte avsperringsband, og langt forbi skiltet som annonserer kvar køa startar. Utanfor køsperringane står nyfikne med mobilane i vêret i forsøk på å sikre ein snap utanom det kvardagslege.

Barnehagen er på plass, og med julepynten på plass på senteret er det som ein forventar å finne sjølve julenissen som senter for all denne merksemda. Saka held fram under bildet 

Vendela pratar, smiler og poserer. Lothepus ser ikkje heilt bekvem ut, men signerer, helsar og gjev suss på kinnet til dei unge damene som vil ta selfie saman med han.

Dermed er det ingen tvil. Adventstida er herved starta, julehandelen girar opp, og nedtellinga til jul er offisielt i gang.