Gigantslep gjer at Leirvåg-Sløvåg-ferja må legga om kursen
Dette gigantslepet fører til at MF «Melderskin» må legga om kursen, fredag morgon. Foto: Lesarfoto
Eit gigantslep for Statoil skapar for tida problem for MF «Melderskin» som trafikkerer strekka Leirvåg - Sløvåg på Fensfjorden.
Det gjer at ferja må gå rundt øya vest for ferjekaia i Leirvåg.
– Det har ikkje skapt nokon forseinkingar til no, seier kaptein på MF «Melderskin», Tore Mangersnes til avisa Nordhordland.
Slepet kom inn i Fensfjorden onsdag kveld og det er venta at det vil ligga der til i byrjinga av neste veke.
Dette bildet viser at ferja har veksla på å gå sør aust av Håvarden eller meir direkte via vestsida. Begge deler skal la seg gjera innan rutetabellen, då ferja har moglegheiten for å auka farten. Foto: Skjermdump
Mangersnes seier dei har litt å gå på med farten på ferja.
– Men det kan verta litt utfordringar med helgetrafikken i ettermiddag, seier han og legg til at det heile har gått bra til no.
Normalt før ferja den kvite stiplete linja, men grunna gigantslepet må MF «Melderskin» legga om kursen. Den blå prikken over Håvarden viser ferja i 08.30-tida, fredag. Foto: Marinetraffic.com
Kommentarer til denne saken