Sabina (17) ville vore Donald Trump for ein dag

Sabina Fosse Hansen (17) frå Alversund har svara på Nh Ung sine «Ærleg talt!» spørsmål.

1. Kven skulle spelt deg i filmen om ditt liv?

– Ho som spelar i Supergirl og Grey’s Anatomy, Chyler Leigh! Ho er utrulig flink.

2. Kva er du redd for?

– Haiar! Eg vil ikkje bli eten levande.

3. Kva var den første tanken som slo deg i dag tidleg?

– Mat. Trur eg var svolten.

4. Kva for ambisjonar har du for framtida?

– Eg har lyst til å bu i eit stort, fint hus med mist fem hundar og eta masse is.

5. Kva greier du deg ikkje utan?

– Oksygen og musikk. Eg går på musikklinja, så musikk er ganske viktig.

6. Om du skulle vore ein annan person for ein dag, kven ville du ha vore?

– Donald Trump. Då kunne eg hatt min personlegheit i hans kropp, slik at eg kunne styrt USA slik eg vil.

7. Kva for tre songar er soundtracket til dagen din i dag?

– Scarecrow av Alex & Sierra, Geronimo av Sheppard og Teenagers av My Chemical Romance.

8. Kva er din «guilty pleasure»?

– Disney Channel. Dei beste programma går der.

9. Kva brenn du for?

– Musikk. Eg har drive med musikk kjempelenge, og det er det eg har lyst til å driva med.

10. Kven ser du opp til og kvifor?

– Stort sett alle fordi eg er så lav.

11. Om du måtte ete ein ting resten av livet, kva skulle det ha vore?

– Salat, fordi det er så mange forskjellige typar.