1700 NRK-journalistar går ut i streik

Artikkelen er over 1 år gammel
DEL

Det er brot i meklinga mellom Norsk Journalistlag og NRK/Spekter. Det vert dermed streik frå klokka 13:01 tysdag.

– Årsaka er at avstanden blei for stor på løn, seier meklar Torkjel Nesheim til Medier24.

I heile natt har hovudorganisasjonane Spekter og NJ møtes til eit siste forsøk på å unngå streik i NRK, men partane nådde ikkje fram for journalistane sin del.

NTB skriv at bakgrunnen for meklinga og nå streiken for NJ-tilknytt NRK-tilsette er at de krev økt lønn, men også lønnsmessig likebehandling av tilkallingsvikarar, samt at NRK følger opp sine tilsette og sørger for oppdatert kompetanse.

– Det har ikkje vore reelle forhandlingar. Vi opplever at NRK ikkje har rikka seg ein tomme gjennom meklinga. NRK misbruker frontfagsmodellen, og bruker den som ein absolutt grense, i eit forsøk på å kneble de frie forhandlingane. Dette er eit forhandlingsklima vi ikkje kan godta. NRK sender dermed 1700 journalistar ut i streik, seier Richard Aune, leder i Norsk Journalistlag i NRK, etter intense forsøk på å finne løysingar hos Riksmeklaren.

Det vart oppnådd semje mellom Spekter og LO stat.

Ein streik vil kunne ramme blant anna den tradisjonsrike sendinga på 17. mai. I tillegg vil streiken ramme NRK sitt tilbod både på radio, TV og nett. Direktør Olav Nyhus i Juridisk avdeling i NRK sa måndag føremiddag at det er uvisst kva NRK kan tilby publikum ved ei eventuell streik.

– Det er også slik at vi kan sende tidlegare produksjonar, så det er ei moglegheit vi har. Dette er noko vi må vurdere nærmare.

Sist det var streik i NRK, var i 2006. Då var dei NJ-organiserte tilbake på jobb etter åtte dagar, medan dei som var organisert i dei LO-tilslutta organisasjonane heldt ut ei vekes tid til etter det. I 1990 streika journalistane i NRK i 25 dagar.

Saka vert oppdatert

Artikkeltags