Storskåraren går til Sandviken

STORSKÅRAR: Jill Hermansen skåra heile 51 mål for Hordabø i fjor. Det er suverent mest i lokalfotballen, og 18-åringen er utan tvil ein verdig vinnar av den lokale gullstøvelen. I år prøver ho seg i Sandviken. (Foto: Endre Hopland)

STORSKÅRAR: Jill Hermansen skåra heile 51 mål for Hordabø i fjor. Det er suverent mest i lokalfotballen, og 18-åringen er utan tvil ein verdig vinnar av den lokale gullstøvelen. I år prøver ho seg i Sandviken. (Foto: Endre Hopland)

Artikkelen er over 5 år gammel

Jill Hermansen skåra ikkje mindre enn 51 mål for Hordabø under fjor-årets opprykkssesong. No prøver ho seg på eit høgare nivå. Den lokale toppskåraren på herre-sida har derimot ikkje tenkt seg nokon stader.

DEL

– Eg vil rett og slett ha fleire utfordringar på fotballbana. Det er kjekkare med høgt tempo, og det passar meg betre, seier Jill Hermansen til Nh.

Hermansen vann den lokale gullstøvelen på damesida heilt suverent i 2013. Med sine utrulege 51 skåringar var ho heile 21 mål framfor Bente Haveland frå ENK og 24 mål framfor Helene Marøy, også ho frå Hordabø.

Haveland og Marøy delte toppskårartittelen på damesida i 2012, og sjølv om begge skåra veldig mykje meir i fjor enn året før, var dei altså ikkje i nærleiken av suverene Jill Hermansen.

– Høgare nivå

Sjølv gir 18-åringen frå Manger nettopp lagveninna Helene Marøy mykje av æra for at ho skåra så enormt med mål i fjor.

– Eg har eit veldig godt samspel med Helene, og fekk mykje ballar å jobba med i heile fjor, seier Hermansen til Nh.

Men denne sesongen vert det altså ikkje meir av det gode samarbeidet. Fjorårets toppskårar i Nordhordland har nemleg bestemt seg for å prøva lukka på sørsida av brua.

– Eg vil spela på eit høgare nivå. No har eg trena med Sandviken sidan tidleg i januar, og trivst veldig godt. Eg kjem til å skriva under kontrakten neste veke, fortel ho.

No i første omgang er det Sandviken 2 Hermansen trenar med, men ho har vore i dialog med førstelagsleiinga, og har moglegheita til å trena med førstelaget, også. På sikt er dette planen, men akkurat no har det ikkje førsteprioritet.

Skule og fotball

– Eg har skule å fokusera på også, så i år er 2. divisjon heilt perfekt. Men på sikt vil eg spela på så høgt nivå som eg kan, seier ho til Nh.

Og dersom førstelaget til Sandviken, som har klare målsetjingar om opprykk til Toppserien igjen etter fjorårets degradering, skulle ønska ho i stallen, så reknar ho med at freistinga vil verta for stor.

– Men det er ikkje det er satsar på i år altså, seier ho.

Hermansen går tredje året på TAF/TIP på Austrheim VGS, og det går mykje tid med til skulearbeid. TAF/TIP-elevar har også eit par av skuledagane ute i ulike bedrifter. Sjølv er Hermansen i arbeid hjå Statoil Mongstad kvar torsdag og fredag, og det er også her ho har lyst å jobba når ho er ferdig med skulegangen.

– Vert det tid til noko anna enn skule og trening, då?

– Eigentleg ikkje, men det går bra. Det er trening som er den store interessa mi, seier ho.

Sesongoppkøyring

Storskåraren frå Manger er fødd inn i ein skikkeleg fotballfamilie. Både pappa Johnny og fire søsken delar interessa hennar. Det var også opphavet sine oppmodingar som gjorde at ho no vågar seg ut i fotballverda.

– Eg har alltid spelt med dei som er to år eldre enn meg, og eg spelte seniorfotball i Radøy/Manger som jentespelar. Året i Hordabø var veldig kjekt, men det er stor skilnad på dei beste og dei dårlegaste laga i 4. divisjon. Og det er veldig stor skilnad på 4. divisjon og 2. divisjon. Eg ville prøva meg høgare oppe, og pappa har støtta meg veldig i den avgjerda, seier ho.

Dei første månadane med Sandviken er ho godt fornøgd med.

– Det er mest kondisjonstrening no i sesongoppkøyringa, men det går bra. Eg føler eg held nivået, fortel ho.

For tida er det fire fellesøkter i veka. Det vert mykje pendling mellom Manger, Austrheim, Monstad og Sandviken, men med både sertifikat og bil går det heilt knirkefritt.

– Iskald i boksen

Jill Hermansen imponerte unekteleg stort i sin første sesong i Hordabø, og 51 skåringar står det respekt av, uansett kva divisjon ein spelar i.

– Så kva er så hemmelegheita bak 51 skåringar på ein sesong?

– Det er ikkje så lett å seia, men det ligg mykje trening bak. Eg har alltid trena mykje åleine utanom fellestreningane, og då vert det jo til å skyta på mål. Mykje avslutningstrening ligg i botn, men eg har også spelt med gode spelarar rundt meg i Hordabø, seier Hermansen til Nh.

Hordabø-trenar Frode Myking forklarer bakgrunnen for alle måla til Hermansen med eit veldig godt fotballhovud.

– Jill er iskald i boksen, og plasserer ballen i mål der andre skal skyta hol i nettet. Det er heilt spesielt for ein så ung spelar, har han tidlegare sagt til Nh.

Hovudpersonen sjølv kan seia seg litt samd i det.

– Eg prøver å ta det roleg framfor mål. Det fungerer vanlegvis best, smiler 18-åringen, som elles har fart og teknikk som sine sterkaste sider på bana.

Rasdal tar livet med ro

Fjorårets toppskårar på herresida vart nok ein gong Stian Rasdal frå Masfjord. Til trass for at han berre spelte halvparten av kampane for klubben i fjor, enda han på respektable 17 nettkjenningar. Dette er tre meir enn lagkamerat Daniel Asheim, Are Førde frå Austrheim og Otto André Nordby frå Fedje. I? motsetning til Hermansen har ikkje Rasdal nokon planar om å satsa.

– Nei, eg har det godt der eg er. Men eg har tenkt å spela fleire kampar denne sesongen, og målet er å skåra meir enn Vegard Sognefest i Gulen, seier Rasdal.

Masfjord rykka opp til 6. divisjon i fjor, og møter dermed Gulen til lokalderby to gonger i 2014, utanom eventuelle treningskampar. Dette vert årets viktigaste kampar.

– Gulen må vi slå for alt i verda. Ambisjonar utover det har vi neppe, men vi er eit bra 6. divisjonslag, som kjem til å vinna ein del kampar, seier storskårar Rasdal til Nh.

Fullstendig måloversikt sesongen 2013:

51 mål:

Jill Hermansen, Hordabø damer

30 mål:

Bente Haveland, ENK

27 mål:

Helene Marøy, Hordabø damer

18 mål:

Laila Sjøvoll, ENK

17 mål:

Stian Rasdal, Masfjord

14 mål:

Daniel Asheim, Masfjord

Are Førde, Austrheim

Otto André Nordby, Fedje

13 mål:

Aleksander Vågenes, NBK

12 mål:

Sonja Haugen, Hordabø damer

11 mål:

Even Jarle Haugland, Austrheim

Ørjan Langhelle, Masfjord

10 mål:

Linda Helgesen, ENK

Vegard Sognefest, Gulen

Trond Egil Soltvedt, Kvernbit

Ruben Haugen, Nordre Holsnøy

Jon Helge Eikeland, Nordre Holsnøy

9 mål:

Truls Marøy, Hordabø

Mathias Soltvedt, Kvernbit

Øystein Fosse, Nordre Holsnøy

Joachim Hopsdal, NBK

8 mål:

Anna Osland Øvretveit, ENK

Anette Hovland, ENK

Thomas Stall, Fedje/Lindås

Ronny Thomassen, Hordabø

Stian Fløysand, Lindås

Kristian Andås, NBK

7 mål:

Torstein Sylta, Hordabø

Aleksander Hindenes, NBK

6 mål:

Lars Kristian Elnes, Gulen

Arild Haugsvær, Masfjord

Alexander Sellevold, NBK

5 mål:

Kjetil Bjørsvik, Austrheim

Christian Talberg, Austrheim

Renate Haukås Vabø, ENK

Caroline Bergås Morken, ENK

Stian Daae, Gulen

Mads Sleire, Gulen

Daniel Tveit, Gulen

Per Kristian Villanger, Hordabø

Jørgen Magnor-Jensen, NBK

David Olsen Flatøy, NBK

Sindre Marøy, Radøy/Manger/Hordabø

4 mål:

Terje Håland, Austrheim

Bjarte Villanger, Fedje

Ronny Espenes, Hordabø

Fredrik Hansen, Lindås

Yngve Njøten, NBK/Radøy/Manger

Chris Fosse, NBK

Tommy Litleskare, NBK

Magnus Tande, NBK

3 mål:

Helene Hammer, ENK

Helene Madsen, ENK

Irene Fyllingen, ENK

Thomas Samnøy, Fedje

Helge Stokholm, Fedje

Rune Marøy, Hordabø/Radøy/Manger

Henrik Wiik Berg, Lindås

Christian Frønningen, Nordre Holsnøy

Nikolai Semmingsen Fivelsdal, Radøy/Manger

2 mål:

Jan Terje Brügger, Austrheim

Mamadee Kabba, Austrheim

Lene Kvinge Hjelmtveit, ENK

Rebekka Birkeland, ENK

Anne Cecilie Hopland, ENK

Karoline Rusten, ENK

Monika Borlaug, ENK

Mathias Gullaksen, Fedje

Jon Harald Leknes, Fedje

Nicholay Andersen, Gulen

Jan Ivar Håland, Gulen

Mats Stendal, Gulen

Magne Taule, Hordabø

Tonje Helén Myking, Hordabø damer

Rikke Hermansen, Hordabø damer

Øystein Hesjedal, Kvernbit

Tony Oteiza, Kvernbit

Henning Neverdal, Kvernbit

Marius Rasch, Lindås

John Luiz Lauvås, Lindås

Kim Johannessen, Lindås

Tore Daae, Masfjord

Åsmund Kvinge, Masfjord

Egil Svindal, NBK

Eivind Aase Rud, NBK

Anders Glesnes, NBK

Malik Jallo, NBK

Sindre Skår, NBK

Erlend Kleivdal, NBK

Benjamin Engebretsen, NBK

Kjetil Hjelmtveit, NBK

Simen Dalland, NBK

Mario Bertheussen, Nordre Holsnøy

Mads Takvam, Nordre Holsnøy

1 mål:

Karl Ludvig Daae, Austrheim

Sander Veland Erichsen, Austrheim

Sondre Hop, Austrheim

Espen Dahle, Austrheim

Didrik Talberg, Austrheim

Rakel Fanebust, Austrheim damer

Marlene Friborg, Austrheim damer

Camilla S. Haugland, Austrheim damer

Charlotte Haga, ENK

Solvor O. Øvretveit, ENK

Amalie Bratten Furelid, ENK

Susanne Njøtøy, ENK

Annelise Danielsen, ENK

Aslaug Hetlebakke, ENK

Essien Etokebe, Fedje

Øystein Aadland Olsnes, Fedje

Andreas Solbakk Stormark, Fedje

Mads Nordby, Fedje

Jørgen Wengaard, Gulen

Sondre Midtun, Gulen

Are Nyhammer, Gulen

Marius Haugsdal, Gulen

Hans Martin Martinussen, Gulen

Tarjei Eide, Gulen

Jack Halland, Gulen

Anders Dyregrov, Gulen

Christoffer Knudsen, Hordabø

Alf Haugland, Hordabø

Kenneth Husebø, Hordabø

Anders Mjøs, Hordabø

Sindre Erstad, Hordabø

Chris Lunde, Hordabø

Morten Sundsøy, Hordabø

Kristin Marøy, Hordabø damer

Tanita Marøy, Hordabø damer

Sylvia Haugen, Hordabø damer

Randi Ulvøy Kalgraf, Hordabø-damer

Thea Christianslund, Hordabø-damer

Amalie Marøy, Hordabø damer

Maya Vabø Mongstad, Hordabø damer

Maria Sekkingstad, Hordabø damer

Omar Omar, Kvernbit

Andreas Skurtveit, Kvernbit

Stian Smelvær, Kvernbit

Rudi Nilsen, Kvernbit

Dani Nilsen, Kvernbit

Tony Nilsen, Kvernbit

Sebastian Tangen, Kvernbit

Eirik Sagstad, Kvernbit

Dan Ruben Aadland, Kvernbit

Sebastian Tangen, Kvernbit

Cato Nilsen, Kvernbit

Ruben Vedå, Kvernbit

Ronny Jenssen, Kvernbit

Kjell Øyvind Nævdal, Lindås

Joachim Skårnes, Lindås

Remy Skårnes, Lindås

Vidar Tistel, Masfjord

Andreas Snekkevik, NBK

Svein Nytun, NBK

Odin Remme, NBK

Martin Bekker, NBK

Tarald Fidjeland, NBK

Magnus Sundsøy, NBK

Vegard Kleivdal, NBK

Jan-Erik Eide, NBK

Erlend Andås, NBK

Aleksander Skomsøy, NBK

Tor André Nesse, NBK

Pål Skare, NBK

Thomas Fossen, Nordre Holsnøy

Kim André Stokke, Nordre Holsnøy

Arild Vikebø, Nordre Holsnøy

Anders Olav Dale, Nordre Holsnøy

Raymond Kviste, Radøy/Manger

Lars-Erik Ervik, Radøy/Manger

Tormod Ulvatn, Radøy/Manger

Anders Dragøy, Radøy/Manger

Ricky Vetaas, Radøy/Manger

I tillegg er det skåra tre sjølvmål lokale lag har drege fordel av.

Artikkeltags