MINNEORD: For miljøforkjemparar og mange andre også her i Nordhordland var det ei trist melding som kom kvelden 11. januar om denne store miljøkrigarens tragiske død. Nordhordland har òg mye å takke han for og ei viktig arv å føre vidare for å heidre hans minne. Fine minneord no må omsettast i konkret handling framover.
Konkrete kampsaker i hans kraftige fotspor i Nordhordland er:
- Å få heva ubåten ved Fedje.
- Ta var på fjella vår og hindre etablering av vindturbinar der.
- Å halde fjordane våre fri for forureining frå fiskeoppdrett.
Men miljøkrigaren kan lære oss noko mye meir grunnleggjande. Motivasjonskjelda hans, der han henta krafta si og evna til å stå i ein livslang kamp for natur og miljø, den må me ta til oss, den treng me no i kampen vidare. Då kan me heidre hans minne med ei kraft han ville likt.
Motivasjonskjelda hans, kjærleiken til naturen, evna til medkjensle og kraftfull vilje til innsats for andre, kjem klart fram i eit intervju i BT Magasin 2019:
«Jeg griner jo mye, men jeg har alltid vært et følelsesmenneske. Ingen kan jobbe med natur uten å være et følelsesmenneske. Jeg vet hvorfor fuglene synger, hva de forteller, jeg vet hvorfor dyr gjør som de gjør. Og hvis jeg dør nå, så vet jeg at jeg har hatt et jævlig rikt liv. Jeg har kranglet med dere, og jeg har kjempet mot de skarpeste hjernene i Norge. Det har vært jævlig gøy, fordi jeg har bekjempet dem», sa Oddekalv.
Fleire som kjente han godt er inne på dette i sine kommentarar no, (BT 12.01.) Trond Mohn:
«… han hadde et hjerte for dem som trengte det og en forstand for miljøet og de store sammenhenger.»
BKKs kommunikasjonsdirektør Rune Indrøy: «… kunnskapsrik og grenseløst hjelpsom».
Ei anna særs viktig poeng har Kurt Oddekalv banka inn, som eit førebilete både for miljøforkjemparar og ikkje minst politikarar: Ein treng ikkje vere teoretikar for å bli kunnskapsrik og dyktig. Han var tømrar, ein praktikar. Hans kamp var konkret og kraftfull, hans tale klar, forståeleg for folk flest, og elska av mange. Kvil i fred Kurt, stor takk for kampen, leve resultata, minna og inspirasjonen.
For MDG Alver, styret v/Leif Johnsen
Som ordførar på Fedje kom ho tett på Kurt Oddekalv: – Han etterlet seg eit stort tomrom
