Solveig Leithaug er frå Frekhaug, men bur og arbeider som musikar i Nashville i USA. Ho har ei rekke plateutgjevingar bak seg, og er ein del av miljøet rundt Gaithers Southern Gospel.

No kjem ho rett frå Studio i Nashville med si nyinnspelte plate, som vert promotert på denne turneen på Vestlandet.

Musikksjangeren er country- og bluesstil og tekstane omhandlar heile livet, med klare evangeliske overtonar.

 

Har med dottera

På konserten vil Leithaug ha både nye og gamle songar på repertoaret. Med seg på turneen har ho dottera Kari, som deltek på nokre av låtane. På konsertane vil det også bli presentasjon av fadderorganisasjonen Compassion Norge sitt arbeid.

Det er Frekhaug Indremisjon, Pinsemenigheten Betel, Meland kyrkjelyd og Norkirken Nordhordland som står som arrangør av konserten.