«Heltane frå nord» – ein hyllest til Nordhordland

TIL ENGLAND: No dreg Skodvin på skulemusikk på englandstur, der dei skal framføra det spesialskrivne stykket på fleire konsertar i Manchester-området. Korpset får også vera med på øving hjå legendariske Black Dyke. – Veldig spennande, seier Mali Ones (fremst).

TIL ENGLAND: No dreg Skodvin på skulemusikk på englandstur, der dei skal framføra det spesialskrivne stykket på fleire konsertar i Manchester-området. Korpset får også vera med på øving hjå legendariske Black Dyke. – Veldig spennande, seier Mali Ones (fremst).

Av
Artikkelen er over 2 år gammel

Det vart skrive eit stykke musikalsk historie då Skodvin skulemusikk framførte eit spesialskrive verk av den svært så anerkjende brassband-komponisten Peter Graham.

DEL

«Heros of the North», er ein hyllest til Skodvin-korpset og til utviklinga av den fantastiske korpsregionen som skulekorpset er ein del av.

Skotske Peter Graham har bygt «Heros of the North» samansett av fem tema som fortel den eventyrlege reisa i korpsmiljøet, knytt til fem viktige personar som kan assosierast både til Skodvin og resten av regionen. Fire av dei fem, Tom Brevik, Knut Harald Rydland, Frode Rydland og Viggo Bjørge var til stades i Hundvin kyrkje tysdag, og fekk sin velfortente hyllest. Den femte er Howard Snell, dirigenten og mentoren som har betydd så mykje for EBML, og som også har hatt gjesteopptreden med Skodvin skulemusikk.

- Eit stort kompliment

– Denne hyllesten og dette verket er eit stort kompliment til korpsrørsla i Nordhordland. Utruleg tøft, seier EBML-nestor Viggo Bjørge. Han framhevar kor unikt det er at eit lite korps som Skodvin, med eit svært lite rekrutteringsgrunnlag, har hevda seg så sterkt.
Viggo Bjørge blir i det spesialskrivne stykket titulert som Mr Eikanger – og Graham trekkjer fram EBML sin kjende «slow walk» når korpset entrar scena – i kjend Viggo-stil – sofistikert og «cool».

Ein nøkkelperson

Som mangeårig dirigent både for MML og EBML, var Tom Brevik ei stor drivkraft og ein nøkkelperson i den nye satsinga på å utvikla korpsmiljøet i Nordhordland.
Brevik har kjend Peter Graham i mange år. Dei har begge bakgrunn i Frelsesarmeen, og for Brevik vart denne urframføringa eit spesielt møte med noko han som 18-19-åring sjølv komponerte i løpet av ei tre timar lang togreise til ei samling i Sverige. Denne komposisjonen vart seinare gitt ut av Frelsesarmeen, og tema frå denne musikken var med i Graham sin «Mr Breviks galopp». «I Tom ser eg ein optimist, alltid smilande og alltid positiv. Musikken har difor ein «upbeat» og leikande karakter, skriv Graham.

Saka fortset under bildet

«Hymn for Knut Harald» og «Frodes dance»

– Klart det er stas å bli sett pris på og bli nemnd i ein slik samanheng. Men det er nesten for mykje av det gode å bli løfta fram slik, seier Knut Harald Rydland. I over 30 år har han vore dirigent og heilt sentral i utviklinga av Skodvin skulemusikk – og som i følgje komponisten må seiast å vera «Mr Skodvin». «Hymn for Knut Harald» er Peter Graham sin hyllest til han.

– Det er stort at det er skrive eit slikt verk av ein så stor komponist som Peter Graham – dette er jo ein kar som til vanleg skriv for legendariske Black Dyke, supplerer Frode Rydland. «Frodes dance» skildrar EBML sin mangeårige og legendariske ess-kornettist, og ein av Skodvin skulemusikk sine mest kjende «old boys». Skulekorpset opna konserten med «Tusselåt», som Rydland hadde arrangert som ein del av eit større program for 20 år sidan.

Maestro Snell

Howard Snell blir portrettert i «Maestro Snells Russian Adventure». Han har betydd utruleg mykje for heile brassband-rørsla, og spesielt for Eikanger Bjørsvik gjennom sitt utrøyttelege arbeid med dei i over 30 år, påpeikar Peter Graham.
Det spesialskrivne verket vart avslutta med ein majestetisk reprise av «Hymn for Knut Harald».

Saka fortset under bildet

STOR STAS: - Klart det er kjekt og stor stas å bli nemnd i denne samanheng, seier f.v. Viggo Bjørge, Frode Rydland, Knut Harald Rydland og Tom Brevik. Dei er presentert som nøkkelpersonar i Peter Graham sitt spesialskrive verk til Skodvin skulemusikk, «Heros of the North».

STOR STAS: - Klart det er kjekt og stor stas å bli nemnd i denne samanheng, seier f.v. Viggo Bjørge, Frode Rydland, Knut Harald Rydland og Tom Brevik. Dei er presentert som nøkkelpersonar i Peter Graham sitt spesialskrive verk til Skodvin skulemusikk, «Heros of the North». Foto:

På vår måte

EBML har eit tett samarbeid med Skodvin og andre skulekorps. Det var difor innartiar at korpset sitt ensemble kasta glans over konserten, og framførte «Gabriellas song» og Frank Sinatra sin legendariske «My Way».

– Den utviklinga korpsrørsla har hatt i Nordhordland er nettopp på grunn av at vi har gjort det på vår måte, seier Viggo Bjørge, som var konferansier på konserten i Hundvin kyrkje. Konserten inkludert bestillingsverket, er eit prosjekt som Skodvin skulemusikk har fått eit pent tilskot til å gjennomføra. På gjestelista stod barnehagen i bygda, som sjarmerte med to vårlege songar, og Bjørnar Seringstad Hauge, som song til eige gitarakkompagnement.
Bollar og kaffi høyrde også med på denne historiske hendinga for «Heros of the North».




Artikkeltags