Generaladvokaten i Forsvaret ferdig med Helge Ingstad-saken

KNM «Helge Ingstad» ved Stureterminalen i Øygarden. Arkivfoto: Emil Weatherhead Breistein / BA

KNM «Helge Ingstad» ved Stureterminalen i Øygarden. Arkivfoto: Emil Weatherhead Breistein / BA

Politiet har fått generaladvokaten si vurdering av straffansvar etter Helge Ingstad-ulykka og håper å avgi si eiga innstilling i løpet av juni.

DEL

(BA): – Vår vurdering i Helge Ingstad-saka er sendt til politiet. Påteikninga med vurdering herifrå tilhøyrer no straffesaka sine dokument, opplyser generaladvokat Sigrid Redse Johansen til Forsvarets forum.

Generaladvokaten har vurdert straffansvar etter militær straffelov, begått av militærpersonar og straffansvar for Forsvaret som foretak.

Politiadvokat Ole Bjørn Mevatne i Vest politidistrikt seier til Forsvarets forum at dei har lese gjennom generaladvokaten si vurdering, men ikkje konkludert enno.

Politiet ønsker fortsatt ei uttale frå Sjøfartsdirektoratet som fagmyndigheit, men håpar å sende saka over til Statsadvokaten innan utgangen av juni.

Fregatten KNM Helge Ingstad kolliderte med tankskipet Sola TS ved Stureterminalen i Øygarden i Vestland fylke tidleg om morgonen 8. november i 2018. Fregatten fekk omfattande skadar og gjekk etter kvart ned.

Derfor kolliderte fregatten og tankskipet

Artikkeltags