Etterlyser 100-åringar til fotoprosjekt

109 år: I dag fyller Solveig N. Hagen 109 år. Ho er Norges nest eldste person, og var ein av dei første som vart fotografert til prosjektet «100 over hundre». Foto: Arne Årseth, Studio Nordhordland

109 år: I dag fyller Solveig N. Hagen 109 år. Ho er Norges nest eldste person, og var ein av dei første som vart fotografert til prosjektet «100 over hundre». Foto: Arne Årseth, Studio Nordhordland

Artikkelen er over 1 år gammel

Fotograf Arne Årseth skal portrettera 100 hundreåringar i 2019. No vil han ha kontakt med fleire personar på 100+.

DEL

BA: Til dagleg driv fotograf Arne Årseth Studio Nordhordland. Til tross for at han har vore fotograf på heiltid i 25 år, har han også rokke å gje ut ni bøker, hovudsakleg om lokalhistorie.

Foto- og bokprosjektet «100 over hundre» har fotografen frå Lindås gått svanger med i fire år. Først no i 2019, det siste året før Hordaland og Sogn og Fjordane blir til Vestland fylke, fann han anledninga.

Bok og utstilling i 2020

– Prosjektet skal bli til ei bok og ei utstilling i 2020. I boka blir portrettet supplert med ein tekst om personen som er fotografert, fortel han.

Så langt har Årseth fotografert seks hundreåringar.

– I førre veke var eg på Lyngbøtunet og fotograferte ei dame på 107 år. Og Solveig N. Hagen, som er Norges eldste person, fyller 109 år i dag, fortell han.

– Dei blir veldig glade når eg kjem på besøk med kameraet, seier fotografen. Årseth understrekar at alle over 100 år, eller som fyller 100 i 2019, er aktuelle for å delta i prosjektet.

Under fotoseansen er det alltid med eit familiemedlem som kan fortelja litt om livet til den som blir fotografert.

– Når ein er såpass vaksen, er ikkje hørselen nødvendigvis så god lenger.

Må ta to bilde i veka

I snitt må han fotografere rundt to i veka for å komma i mål.

– Kor mange 100-åringar finnest det i Hordaland?

– Det veit eg ikke, det er vanskelege tal å få ut.

Så langt er det kun éin av deltakarane i fotoprosjektet som er mann. Årseth blir spesielt glad om kjønnsbalansen blir betre enn den er til no.

Ta kontakt!

– Problemet er å få fatt i alle desse flotte menneska. Kan avisa hjelpa meg, spør han.

Klart vi kan. Ring fotografen på 909 94 102 om du har fylt 100, eller kjenner ein som har.

Artikkeltags

Kommentarer til denne saken