– Dette har vi gleda oss til, seier kultursjef Eirik Bouwer Utne i ei pressemelding.
Onsdag 9. juni opnar Alver kommune dørene til dagsturhytta Sjøbua på Byngja.
Alle dei tre dagsturhyttene, på Eldsfjellet, Vardefjellet og i Byngja, kom på plass i mars. Grunna ei forseinking i leveransen vart både montering og opning skyvd på.
Sjølv om Sjøbua får ei etterlengta markering denne veka, blir det framleis ikkje heilt som planlagd. Det blir i første omgang digitalt, går det fram i pressemeldinga.
– Pandemien gjer at vi har valt å utsetje opningsarrangementet, fortel Utne.
– Opninga vert no i staden markert digitalt med ein filmsnutt som viser fram alt dagsturhytta har å by på. Vi lovar å invitere til eit større familiearrangement når det vert færre smittevernrestriksjonar.
Linda har vore turentusiast heile livet. Her er hennar beste turtips
Nøgde med plasseringa
Kultursjefen håpar at mange vil ta i bruk hytta sør for Bøvågen.
Også leiar i Hordabø idrettslag, Frode Myking, har trua på at hytta blir suksess.
– Byngja er ein fantastisk stad for bading, fisking, turar og padling, og med denne dagsturhytta har du endå ein grunn til å besøkja Byngja, seier han.
Idrettslaget skal ha tilsyn med hytta, medan kommunen er eigar og har driftsansvar for hytta.
– Vi svært nøgde med at dagsturhytta er plassert nettopp i Byngja, og vil passe godt på den, seier Myking.
Stolpane dukkar opp fleire stader – her prøver dei noko heilt nytt
Fukt og ròte på 21 dagsturhytter laga av Masfjorden-firmaet: No reklamerer fylkeskommunen
