Gå til sidens hovedinnhold

Amedias lokalaviser og Nettavisen lanserer ny digital riksavis

Artikkelen er over 3 år gammel

AVIS: Amedia og Nettavisen lanserte tysdag Noregs første riksavis sidan 2007. – Det er kjekt å kunne tilby lesarane nasjonalt innhald, utan at det kostar noko ekstra, seier redaktør i Nordhordland, Trond Roger Nydal.

Avisa har fått namnet NA+ og skal vere eit alternativ til eit «Oslo-nærsynt» mediebilde.

– Det norske mediebildet blir ofte «Oslo-nærsynt». Eg meiner at fornufta er nokså likt fordelt utover i landet, og målet med NA+ er å vise ferske nyheiter og friske meiningar frå heile landet, seier Nettavisens ansvarlege redaktør Gunnar Stavrum.

For abonnentar

Den digitale avisa blir eit abonnementsprodukt og lokkar med eksklusivt nyheits- og aktualitetsstoff og gode historier og kommentarar frå Nettavisen og Amedias 63 aviser.

– Dette er ei e-avis, og du finn den saman med e-avisa til Nordhordland, seier Trond Roger Nydal.

Fram til nyttår fann du avisa Rix på same stad. Den blei lagt ned, og no kjem altså ei ny e-avis, som gir nyhende og aktuelt stoff frå heile landet.

Dette er NA+

Ei digital avis som kjem ut med fem utgåver i veka. 

Eigen helgeutgåve med ekstra mykje featurestoff og Nettavisens Det store intervjuet.

Innhald:

- Dei beste og mest eksklusive Pluss-sakene frå Amedias 63 aviser.

- Utvalgte høgdepunkt frå Nettavisens nyhetsproduksjon.

- Kommentarstoff (Nettavisen mener, bloggane til sjefredaktør Gunnar Stavrum og nyhetsredaktør Erik Stephansen og utvalgte kommentarar frå Amedias aviser).

- Spesialutgåver og featurestoff.

- Eksklusive livesendingar (strømming) frå blant annet 50 kampar i Marbella Cup, dei fire fyrste rundane i norgesmeisterskapet i fotball, PostNord-ligaen, utvalgte kampar i Norsk Tipping-ligaen, Toppserien kvinner, Eliteserien Futsal og nivå 1 (høgdepunkt) og 2 i ishockey for menn.

– Slik kan vi tilby nasjonale nyhende til dei som vil ha det i tillegg til dei lokale nyhenda vi leverer, seier Nydal.

Les også

Godt innhald er ikkje gratis

 

800 journalistar frå 63 redaksjonar

Amedia vart frå nyttår heileigar av Mediehuset Nettavisen. I tillegg til å vere Noregs leiande lokale medieselskap med aviser landet rundt, tar mediekonsernet no ein sterk nasjonal posisjon, heiter det i ei pressemelding.

– Når Nettavisen no utvidast med eit riksdekkande digitalt abonnementsprodukt, er ambisjonen å levere viktige nyheiter og kommentarstoff frå heile Norge til heile Norge. NA+ vil bestå av innhald frå Nettavisens eigen redaksjon, men ikkje minst gi lesarane eit unikt tilbod med stoff frå over 800 journalistar i 63 redaksjonar over heile landet, seier konsernsjef i Amedia og styreleiar i Mediehuset Nettavisen Are Stokstad.

Les også

Lesarane har talt: Dette var dei viktigaste sakene i 2017 - månad for månad

Kommentarer til denne saken