Duka for lokaloppgjer

NBK slapp unna dei to kanskje tøffaste laga i neste års tredje divisjon. I fjerde divisjon er det duka for lokaloppgjer mellom Austrheim/Lindås og Radøy/Manger.

Fyllingen vart på åttitalet kjent som laget som kjempa seg opp frå lågare divisjonar og heilt til toppserien og cupfinale.

No verkar dei blågule vera godt i gang med turen tilbake igjen, og vil truleg satsa knallhardt for å sikra rask retur til andre divisjon for å stoppa nedturen.

Der burde nok og Brann sine nestbeste spela, men storklubben har aldri lukkast etablera rekrutteringslaget på eit jamt, høgt nivå.

NBK er nok likevel godt nøgd med å sjå desse to laga i den andre pulja i tredjedivisjon.

Også oppsettet for fjerde divisjon er klart, her er det duka for lokalderby mellom Austrheim/Lindås og Radøy/Manger.

Dei fotballinteresserte vil hugsa storkampane mellom gulkledde Austrheim og Radøy tidleg på nittitalet, då dette var dei to beste laga i distriktet.

15 år seinare er begge klubbane for lengst blitt samarbeidslag, og er altså klare for nye lokaloppgjer ein divisjon under nivået frå den gong.

Austrheim/Lindås møter elles att Fusa, som kneip den andre opprykksplassen i avdelinga som dei no lyseblå frå Austrheim/Lindås vann.

Austrheim/Lindås og Radøy/Manger må truleg bu seg på tøffe tak mot Djerv og Sandviken som begge rykka ned frå 3. divisjon i år.

Oppsettet:

3. divisjon avdeling 14:

NBK

Askøy

Austevoll

Bjarg

Hald

Hovding

Lyngbø

Løv Ham2

Sotra

Tertnes

Varegg

Vestsiden/Askøy

4. divisjon avd. 1:

Austrheim/Lindås

Djerv

Fusa

Laksevåg

Loddefjord

NHH

Ny Krohnborg

Radøy/Manger

Sandviken

Valestrand/Hjellvik

Voss2

Årstad