Seks deltakarar tok åtte medaljar
Dei seks deltakarane frå Nordhordland karateklubb forsynte seg grovt i medaljefatet under Vestlandscupen i helga. Åtte medaljar vart fasit for dei lovande utøvarane.
Berre to klubbar i Norge konkurrer i stilarten goju kai, Nordhordland karateklubb og Tresfjord karateklubb som ligg utanfor Ålesund. Desse to klubbane er det som kjempar mot kvarandre i dei fire rundane som Vestlandscupen strekkjer seg over.
– Vi er veldig stolte over innsatsen vår, seier Tonje, som har trena goju kai i seks-sju år. Det som er spesielt med denne stilarten fram for dei andre formene har karate er at goju kai har mjukt forsvar og hardt angrep.
I helga gjekk cupen i Laksevågshallen. Resultatet vart slik: Remi Rath Odland 2. plass fighting og 4. plass kata. Carina Bruvik Hella 1. plass kvinner open klasse fighting, Tonje Vollset 1. plass kata kvinner.
Anders Husebø 2. plass kata gutar 1988-1990. Marius Sjursæter 1. plass fighting gutar 1986-1987. Kristine F. Alver 1. plass kata jenter 1991-1995 og 2. plass fighting jenter 1991-1995.
|
|
Utskriften er kun til privat bruk og kan ikke benyttes på annen måte.
Kopiering eller spredning av innholdet krever avtale med rettighetshaver eller Kopinor.
