Claus suveren i sporet

Lørdag kveld fekk han lattersalvane til å runga på Hundvin, dagen etter viste Claus Sellevoll styrke i skiløypa.

- Visste det ville bli tungt i dag, seier Claus. Han legg ikkje skjul på at jubileumsførestillinga med Cato Jensen har vore ein tøff periode med førebuingar både mentalt og fysisk. Men han heldt koken både på podiet og i løypene.

Jo Harald Færø kom nærast Sellevoll på 10 km.

Turid raskast

Turid Stusdal var raskast av damene. Ho gjekk 5 km for første gong denne sesongen.

- Følte det gjekk greitt, seier Stusdal, som vart Lindåsmeister også for to år sidan. Anne Mørch gjekk inn til 2.plass i Lindåsmeisterskapet slndag.

Stor deltaking

I dei yngre klassane gjorde Magnus Færø, Eline Vabø og Håvard Glomnes svært gode løp.

Den lange vinteren har fått mange unge ut på ski. Det viste den store oppslutninga i Lindåsmeisterskapet.

- Vi er veldig fornøgd med deltakinga, seier Steinar Mørch i arrangørstaben.

Hopp og dans

Reidar Sellevoll hadde ei god hand med speakerjobben, og fekk kommentarar frå yngste deltakarane etter kvart som dei kom i mål. Han oppmoda også store og små til å hoppa og dansa i rekkjene for å halda varmen. Sjølv om forholda var fine, kunne det bli i kaldaste laget for dei som stod i ro.

Les meir om LM på ski i Nh onsdag.