Full fres i Ungdomsløpet

- Vi hadde ein plan. Vi hadde bestemt oss for å slå alle dei andre, seier Vebjørn Borge til Nh etter at han vann klassen sin.

Og planen gav resultat. Vebjørn var den første av fem elevar frå Osterøy ungdomsskule som kapra dei første plassane på resultatlista.

Ungdomsløpet vart ein stor suksess for dei fleste, anten dei driv idrett på organisert plan eller dei likar å ta det litt meir med ro.

I løpet til Vebjørn stilte Mubarik Mussa frå Etiopa som hare.

– Haren kunne eg ikkje gjera noko med. Han let eg segla sin eigen sjø. Eg måtte konsentrera meg om mitt løp, seier Vebjørn.

Forutan haren, som er 16 år gamal og dermed eldre enn elevane som han sprang med, fekk den løpssterke ostringen også den beste tida.

Ein annan etiopar, Kirubel Edemealem (13), kunne ha vunne løpet for niandeklassingar. Han vert rekna for å vera ein svært lovande løpar, men i Ungdomsløpet i Knarvik var han uheldig og datt.

Dermed mista han sjansen til topplassering.

Sjå bilde frå Ungdomsløpet her

Les meir om Ungdomsløpet i Nh lørdag?