Det var ikkje få ungdomar som la igjen gode inntrykk hjå domarane på Sæbø skule under Ungdomens kulturmønstring (UKM) i helga.

Bandet Ambitions frå Radøy tok publikum med storm. Hege Mathilde Storheim er gitarist og vokalist for bandet. Då ho song “The Story” av Brandie Carlile overraska ho publikum med ei djup og vaksen stemme. Lite tyda på at ho var ein fersking på scena då ho sang.

- Eg har berre sunge framfor folk ein gong før, så eg var veldig nervøs. Men eg synest det gjekk bra, og det hadde ikkje vore det same utan resten av bandet, som er veldig flinke, seier fjortenåringen.

Bandet imponerte domarane som sende heile gjengen vidare til fylkesmønstringa i Grieghallen 14. og 15. april.

Ferskvare

Radøy stilte sterkt på bandfronten i år. Amplifires, med Eskil Taule, Thomas F. Valdersnes, Torstein Lunde og Vegard Valdernes, stilte med ei rykande fersk låt. Dei fekk ein uheldig start med ein basstreng som rauk, men til Amplifires store glede fekk dei spela ein gong til.

- Vi skreiv songen “Beat” for to veker sidan, så det var gøy å få vist den fram i dag, seier Taule, som saman med Valdernes er forfattaren bak låta.

- Den blei eigentleg eit resultat av litt jamming. Vi hadde det berre gøy med ein liten melodi, så enda det ganske bra til slutt, fortel Taule.

Amplifires har vore med på UKM tre gonger tidlegare. I tillegg har dei opptrådd mykje rundt i Nordhordland og i Bergen. I år blei gutegjengen send vidare til fylkesmønstringa, noko dei ser fram til.

Sjå fleire bilde frå UKM 2012 her.

Desse kom vidare til fylkesmønstringa:

Frå Austrheim kommune:

- Sandman: Benjamin Litlås (14 ), Espen Kolås (17 ), Frida Fonnes Skre (14),Kristoffer Myklebusthaug (15), Nikolas Bentzen (14)

- Mats Skjerve (17) og Thomas Fonnes (17)

Frå Lindås kommune:

- Sisak: Isak Rismyhr Jansen (11) og Simon Skarsvåg Furnes (12)

- Julian Svindal Luna (13 år)

- Isabell Caprice Teige (12 år)

- Kristin Vaage (16 år) #<\n>

Frå Masfjorden kommune:

- Marte Kvamme Andersen (16 år)

- Ådne Andersen (15 år)

Frå Meland kommune:

- Anne Theilmann Jensen (15) og Linn Storsæt (13)

- Herre Moses: Astrid Leithaug (16), Elena Blom (17), Håkon Rongevær (18), Kenny Larsen (19), Sondre Blom (18) og Ørjan Nautnes (19)

- Sunniva Møster (17)

Frå Radøy kommune:

- Amplifires: Eskil Taule (16), Thomas Frotjold Valdersnes (17), Torstein Lunde (15), Vegard Valdersnes (17)

- Ambitions (Aleksander Hjønnevåg (14), Astrid Aven Storheim (14), Audun Borgund Johannessen (14), Christopher Grindheim (14), Hege Mathilde Storheim (14) og Solveig Lien (14 år)

- Ingrid Karoline Kvalheim (15 år)

- May Iren Sylta (17 år)

Les alt om UKM i Nh ondsdag.