Knallstemning i Skjerjehamn

Årets Utkantfestival vart opna av Ole Paus og Bergen Mandolinband, som spelte for stinn brakke i Pakkhuset torsdag kveld.

Fredag var første dag med utekonsertar, og sjølv om Paperboys ikkje rakk flyet og måtte avlysa, leverte Veronica Maggio, The Cumshots og Bjørn Hellfuck til det fulle.

Klokka 19.30 fredag kveld låg det allereie 160 båtar til kai i Skjerjehamn. I tillegg kom svært mange per bil.

Der er ikkje veldig langt unna sanninga at folketalet i Gulen er dobla denne helga.

På scena sette Veronica Maggio stemninga tidleg, men det var når The Cumshots, med Kristopher Schau i spissen gjekk på scena, at stemninga verkeleg tok seg opp.

Bjørn Hellfuck spelte alle songane sine for eit feststemd publikum, og la også ned eit sceneshow med fantastisk innleving.

Tyyl avslutta kvelden i Pakkhuset nede på kaien, og sognerockarane sette i aller høgste grad eit verdig punktum for ein storarta festivaldag.

Sjå bilde frå festivalen her

Nh kjem tilbake med meir om årets Utkantfestival.