Larsen fekk opp stemninga

Det tok ikkje lang tid før folk song med det dei makta då Rune Larsen og Geir Johannessen frå NRK-programmet "Lollipop" besøkte Velferdssenteret på Radøy mandag føremiddag.

På programmet stod alt frå salmar til popmusikk, men med ein klar overvekt av låtar som er kjende og kjære for den eldre garde.

Rune Larsen var ein populær gjest på Radøy denne føremiddagen, og etter ein time med song og små historiar kunne tilhøyrarane fortelja at dette var noko dei sette pris på.

- Veldig bra. Håpar han snart kjem igjen, seier Henry Sylta.

- Det er mange her som kunne nesten alle songane han framførte, legg Ninna Rikstad til.

Etter intimkonserten på Velferdssenteret gjekk turen vidare til Hella Skulestove for dei to "Lollopop"-arane.

Les meir om konserten i Nh onsdag.