Manger Musikklag vann NM

I år var det igjen MML sin tur til å ta heim NM-sigeren.

Med 95 poeng på både det sjølvvalde nummeret Dove Descending" av Philip Wilby og pliktnummeret Scetches from Nowhere" av Thomas Doss, enda dei på eit halvt poeng meir enn Eikanger-Bjørsvik Musikklag.

Eikanger-Bjørsvik som hadde sjansen til å ta sitt tredje NM-gull på rad, vart nummer to. Korpset sitt sjøvvalde nummer Titan’s Progress av Hermann Pallhuber gav korpset 91 poeng. For pliktnummeret fekk EBML 98 poeng.

- Dette har vi venta lenge på, seier leiar i Manger Musikklag, Nils-Arne Træland til NMF som og kunne gratulera kona og Manger-tronbonist Birgitte Bruget med solistprisen i elitedivisjon.

Dette er Manger Musikklag sin åttande NM-siger, den førre fekk korpset i 2002.

Sandefjord Brass Symposium vann 1. divisjon med 96 poeng, Ørskog Brass fekk like mange poeng for sigeren i andre divisjon, Her vart Oster Brass nr 5 og Radøy Brass nr 7.

Bjørsvik Brass sikra nok ein siger til Nordhordland, ved å vinna 3. divisjon, med 96 poeng, eit poeng framfor Manger Old Star Brass på andre plass og med Lindås Brass på plassen bak med 94 poeng.

I open klasse var det ”17.mai-musikantane” frå Seim som tok sigeren med 90 poeng, to poeng meir enn ”foreldrekorpset” frå Knarvik.

Årets NM i Grieghallen i helga kan visa til rekorddeltaking med 75 musikkorps og nærare 2500 musikantar.

Les meir frå årets NM i onsdags-nh.