Heim etter fem år på havet

Familie og vener stilte mannsterke med norske flagg, fanfare, champagne og velkomstkake for å ta imot dei to båtane.

Det er fire år og tre veker sidan Marit Midtgård og Frode Nygård Knutsen la ut på det som etter planen skulle vera tre års jordomsegling. Paret har sidan vore heime eit halvt års tid for å jobba, men i går kom dei altså heim for godt. No startar ein heilt annan kvardag for dei to som har levd tett saman om bord i S/Y Petrell.

Om bord i nabobåten S/Y Ringhorne er Hilde og Bjørn-Vidar Bårtvedt i lag med døtrene Solveig (snart 4 ) og Ingrid (2). Dei la ut på tur i mai i fjor, med øya St. Lucia i Det karibiske hav som mål. Det vart ei spesiell oppleving, særleg for dei to småjentene, å sjå alle som var møtt fram for å ta imot båtane då dei kom sigande mot Zachen. Og då dei først var komne i land, hadde vesle Ingrid eit stort ønske: ”Kan eg få av meg vesten no, mamma!”