Fenomenal lady!

Historia om den fattige Eliza Doolittle, som ved hjelp av språktimar hjå professor Henry Higgins, går frå å vera blomeseljar på torget til fornem lady på slottsball, er sjarmerande, morosam og heilproff. Lindås Ungdomslag har til det fulle lukkast i å setja opp det som i følgje regissør Bjørn Olav Benjaminsen er laget si mest kompliserte førestilling nokosinne.

– På mange måtar har vi gjort det umoglege mogleg. Førestillinga er eit døme på kva som går an, dersom mange nok går inn for det, og jobbar målbevisst i lag, seier Benjaminsen til Nh.

For dei i salen kan ein kveld med My Fair Lady vanskelig verta anna enn ein fenomenal aftan. Ein kan ikkje unngå å la seg imponera av kulissar, kostymer og skodespel. Framsyninga er heilt profesjonell. Einkvar som har moglegheit, bør nytta høvet til å sjå førestillinga på Haugatun til helga.

Sjå bildeserie frå førestillinga her

Les meir i onsdags-nh...