Manger til verdsutstillinga

Eit av Norges beste skulekorps er valt ut til å representera Norge under verdsutstillinga i Shanghai i Kina neste år.

Onsdag kveld kom gladmeldinga om at Manger skal vera med på Norges dag under utstillinga 28. mai. Tre korps fekk spørsmålet om dei var interesserte, til slutt var det altså NM-grossistane på Manger som vart valt ut.

- Styret tente på ideen med ein gong, og heiv seg på telefonen til musikantar og foreldre. Alle var positive til at dette ville ein vera med på. Ein slik sjanse kjem ikkje så ofte, så dette kunne vi berre ikkje la gå ifrå oss, seier eldsjel og turleiar Rune Oldervik.

Han slår fast at utfordringane står i kø for korpset for å få ein slik tur på plass.

-Det handlar om sponsorar, skulefri, reiseplanlegging og så bortetter. Men foreldreguppa og musikantane er uansett innstilt på at dette skal vi få til, seier Oldervik.

”Norway-powered by nature” er mottoet dei norske innslaga skal reisa til Kina under.

Les meir i Nh lørdag.