Gyllende tider på Radøy

Hundebæsj-problemet i Brekkeløypa i Knarvik vert for småting å rekna samanlikna med det synest som møtte fotgjengarar i området Soltveit-Nordanger torsdag.

Gylle-lekkasje frå ein gard i området rann ned i vegen.

- Det såg ikkje bra ut i utgangspunktet, og så kom brøytebilen og spredde skiten utover halve bygda, seier ei kvinne som bur i området.

Lekasjen oppstod onsdag, men det var først torsdag at det verkeleg tok til å bli lysebrunt preg over området. Folk frå NCC var på staden torsdag ettermiddag for å rydda opp. Lekasjen skal no vera stoppa, men bonden risikerer å måtta punga ut for ryddejobben.