Sjåfør slått i ansiktet

Mandag ettermiddag vart ein av Nobina sine sjåførar overfalt inne i bussen på busstoppet etter rundkjøringa ved Hagelsundbrua.

- Sjåføren vart slått i ansiktet ein gong, og fleire passasjerar var vitne til hendinga, seier verneombod Leif Szajnfeld.

Han fortel at 3-4 minutt forut for hendiga skal det i følgje den involverte bussjåføren har vore ein ”trafikksituasjon” i rundkjøringa på Flatøy.

- Føraren av ein personbil meinte at busssjåføren ikke overheldt vikeplikta.

Situasjonen førte ikkje til kontakt mellom kjøretøya, men føraren av personbilen "tuta heftig", seier Szajnfeld. Bussen fortsette si rute til Knarvik, og stansa i busslomma etter rundkjøringa for avstiging.

- Personbilen hadde følgt etter frå Flatøy, og parkerte framfor bussen medan sjåføren kom inn gjennom framdøra. Han sa eit eller anna til sjåføren før han slo han i ansiktet. Etter noko munnhuggeri forlet han bussen og gjekk tilbake til bilen der det sat eit barn i baksetet, seier verneombodet.

Bussjåføren vart ikkje fysisk skadd, men er naturleg nok prega av hendinga.

- Denne type handling er totalt uakseptabel for oss som yrkesutøvarar, seier Szajnfeld. Forholdet er meldt til politiet, i lag med bilen sitt registreringsnummer.

- Filmen frå eit overvakingskamera i bussen viser kva som har skjedd, i tillegg til at fleire vitne i bussen har sagt seg villige til å avgi forklaring til politiet, og vitna i ei eventuell straffesak, seier Leif Szajnfeld, avdelingsverneombud, Nobina Nordhordland