Noro-virus herjar sjukeheimen

16 pasientar og 13 av personalet ved Knarvik sjukeheim er ramma av Noro-viruset. Det er inntaksstopp ved sjukeheimen og dagavdelinga er stengt.

- Viruset er ganske vanleg om vinterenog relativt harmlaust, men det er ikkje kjekt å få det i institusjon, seier smittevernoverlege Lars K. Lie til nh.

Heile 29 personar er no ramma av viruset som gir diare, kvalme, oppkast og kan gje leddsmerter.

Noro-viruset er påvist på to avdelinger på Knarvik sjukeheim, verifisert via prøver. – Vi har innført vanleg isoleringsregime i tråd med planar for lokale epedemier.

Det betyr mellom anna at tilsette som er sjuke må vera heime 48 timar etter at dei er symptomfrie, seier Lie.

Sjukdomen står gjerne på 1-2 dagar og viruset er veldig smittsamt både når det står på og når ein er kvikna til igjen.

Ved Knarvik sjukeheim er det innført mellombels inntaksstopp, og dagavdelinga er stengt.

- Vi må og be besøkande om å ta kontakt med personalet før dei går inn til sine, seier Lie til nh.