Etiopia-ambassadørar

Ungdomsskule-elevane Kristin Holmås og Jonathan Torsvik skal på eit spesielt utanlands-oppdrag i november. Dei to Knarvik-elevane skal overrekkja ein sjekk på 67.000 kroner til eit humanitært hjelpearbeid i Etiopia.

- Heilt fantastisk å bli trekt ut til å få vera med på denne åtte dagars turen. Dette blir som ei ”ein-gong-i livet”-oppleving, seier fjorten år gamle Jonathan og snart femten år gamle Kristin.

Knarvik ungdomsskule var vertskap for ei gruppe etiopiske ungdomar som deltok under ungdomsløpet og Knarvikmila i september.

I samband med dette besøket gjennomførte Knarvik-elevane eit stort prosjekt om det afrikanske landet, og sette punktum med ein flott innsamlingsaksjon som resulterte i 67.000 kroner.

Stor fattigdom

- Vi er sikre på at pengane kjem svært godt med, seier Kristin i 10C og Jonathan i 9B. Dei er førebudde på å møta mykje fattigdom, og reknar med å sitja att med mange sterke inntrykk,

- Det blir enormt spennande å få innblikk i ein annan kultur og ein heilt annan del av verda, seier Jonathan. Han har vore i Egypt tidlegare, medan Kristin møter det afrikanske kontinent for første gong.

Spring med 30.000

Det er løpsorganisasjonen Great Etiophian Run, med Haile Gabreselaisse i spissen, som står bak hjelpeprosjektet som får det økonomiske bidraget frå Knarvik.

Dei to Knarvik-elevane skal vera i Addis Abeba medan den årlege massemønstringa med rundt 30.000 løparar går av stabelen.

Også ein lærar frå Knarvik ungdomsskule, og ein delegasjon på tre frå Knarvikmila skal dreg til Etiopia.

Knarvikmila har skal også overrekkja ein betydeleg pengesum til det same humanitære arbeidet, slik at den samla gåva kjem på mellom 110.000 og 120.000 kroner.

Blant anna gjekk all startkontingenten frå Minimila til dette formålet.