Toralv Maurstad, nestor i norsk teaterliv, og kanskje den mest kjende Peer-tolkaren i Noreg, har med seg Rune Alver til Fedje denne søndagen.

Dei framfører utdrag av teksten og musikken til Henrik Ibsens ”Peer Gynt” i ei lita perle av ei framsyning . Ein sjeldan sjanse til å sjå Maurstad i denne rolla.

Dei to har tidlegare presentert Peer Gynt i Knarren på Knarvik vidaregåande, i regi av Musikkens Venner i Nordhordland.

I denne runden er det Fedje og Modalen som får besøk i Nordhordland – yst på den nøgne ø og inst i dalen. Eit kulturelt vindpust midt i den stive kulinga.

Fedje kommune håpar mange nyttar seg av dette høvet til å sjå Maurstad som Peer, og høyre både Grieg og Sæveruds scenemusikk til det kjende stykket. Andre ”innafjordingar” er og hjarteleg velkomne, det går ferje frå Sævrøy kl. 15.15, og ferje frå Fedje kl.18.10.

Førehandssal av billettar på kulturkontoret, kommunehuset.