Nytt produkt heldt orden på avtalane

Idealnett AS med radværingen Kenneth Murberg som dagleg leiar, har utvikla produktet Avtalenett. Det vert selt gjennom eit anna lokalt firma, MTI IT Service AS.

Avtalenett er ein reiskap som skal sikra kontroll over løpande avtalar og kontraktar innan eiga verksemd. Systemet varslar når ein avtale er i ferd med å gå ut eller må reforhandlast.

MTI IT Service AS skriv i ei pressemelding at det kan vera store pengar å spara for verksemder som nyttar systemet.

- Medan løysinga er utvikla, har ein erfart at mange verksemder rett og slett betalar fakturaer fordi ein trur det er gjort avtale i forkant. Det er og slik at ein ofte hamnar inn i ein ny kontraktsperiode rett og slett fordi arkivmetoden er gamaldags og ”inaktiv”, seier dagleg leiar Bjørn Tore Vaktskjold i MTI IT Service AS.

I tillegg til Mongstadbase AS, kan verksemda allereie skilta med avtalar med Sjøtroll AS, Sekkingstad AS, Arbeidsmiljøsenteret, Tysse Mekaniske og MTI Holding.