Hjartestartar hjå Nomaco

Nomaco på Mongstad har fått eigen hjartestartar, og gjennomførte nyleg kurs i bruken av denne samt annan livreddande førstehjelp.

Hjartestartaren er lokalisert i administrasjonsbygget til Nomaco og det er også ein startar i verkstadbygget til AGR som er leigetakar på det nye anlegget verksemda har bygt opp mellom raffineriet og Mongstad base.

19 personar var med på kurset, mellom dei tre frå firmaet AGR og to frå firmaet PSW som og er leigetakar.

Leverandøren av hjartestartaren heldt kurs i bruken, i tillegg fekk deltakarane øva på kompresjonar og innblåsingar.

Verksemda ønskjer at naboane i næringsområdet skal vita at dei har startar tilgjengeleg, og personell som er lært opp i bruken.