- Gullvegen bør prioriterast

Leiar i Transport- og kommunikasjonskomiteen, Knut Arild Hareide, meiner den såkalla Gullvegen bør prioriterast.

- Dette er eit prosjekt vi skal sjå på, og som eg meiner bør prioriterast. Det er i dette området veldig mykje av verdiskapinga vår skjer, seier Hareide til Nh.

Ein meir eller mindre samla region står bak planane om eit tverrsamband på tvers av fjordane som skil oljeknutepunkta Kollsnes og Mongstad.

Då Transport- og kommunikasjonskomiteen besøkte Meland mandag ettermiddag vart planane lagt nøye fram for stortingsrepresentantane.

Meland-ordførar Nils Marton Aadland, peika mellom anna på at i løpet av ein 50-årsperiode vil aksen Mongstad/Øygarden/Kollsnes ha ein aukande betyd

Ny bu- og arbeidsregion

- Ein rapport frå SINTEF viser at det er avgjerande å sikra nødvendig og funksjonell infrastruktur for å få til denne verdiskapinga.

- Eit tverrsamband vil også avlasta vegnettet i Bergen sentrum, og opna for ein ny bu- og arbeidsregion. Vi ser for oss store miljø- og transportgevinstar, og tenkjer også framtidsretta kollektivløysingar, seier Aadland.

Under besøket frå Oslo orienterte også Sveinung Valle om Nordhordlandspakken og Nyborgstunnelen, medan regionvegsjef i Staten vegvesen region Vest, Olav Ellevset, mellom anna tok føre seg alternative bru- og tunnelløysingar i fylket.

Gang- og sykkelveg

Knut Arild Hareide oppsummerer turen til Nordhordland som nyttig. Han er i god dialog med sine partikollegar i KrF på både nord- og sørsida av brua.

Mellom sakene som vert diskutert er gang- og sykkelveg langs RV 57, som Lindås-ordførar Astrid Aarhus Byrknes har orientert komitéleiaren nøye om.

- Dette er noko vi vil prioritera. Vegen kjem til å bli sett på vår dagsorden, seier Hareide til Nh.