Mæstad blir forskingsdirektør

Ottar Mæstad (43) frå Meland er tilsett som ny direktør ved forskingsinstitusjonen Chr. Michelsens Institutt.

Han overtar direktørjobben 1.april.

Store utfordringar

43-åringen kjenner institusjonen godt. Han er både audmjuk og full av forventningar når han no går inn i leiarjobben ved instituttet.

Han meiner CMI er meir relevant og viktig enn nokon gong i forhold til utfordringane kloden vår står overfor.

- Ein av CMI sine særmerke er god lokalkunnskap frå fattige land. Denne kunnskapen er heilt avgjerande for å koma vidare i kampen for å redusera fattigdom, seier Mæstad.

Visjonar og verdiar

CMI har visjonar og verdiar som Mæstad identifiserer seg med.

- Det handlar blant anna om å produsera kunnskap som kan bidra til å løfta folk ut av fattigdom, bygga fred, og motvirka urettferdigheit. Desse utfordringane er noko av det mest meiningsfulle eit forskingsinstitutt kan engasjera seg i, seier Mæstad.

Fokus på global helse

Ottar Mæstad er økonom med brei erfaring frå forsking og politisk analyse.

Sidan han kom til CMI i 2004 har han bygd opp og vore leiar for forskingsprogrammet Global Health and Development.

Les meir om den nye CMI-direktøren i onsdags-Nh.