Evakuering på Mongstad

Faren over signalet gjekk ca kl. 11.10.

- Reaktoren der lekkasjen var, er stengt ned og dei evakuerte tilbake på jobb, eller på veg tilbake, seier informasjonsleiar Jon Halstein Tjore til nh. Han seier dei som var igjen i anlegget då alarmen gjekk, er dei som driv raffineriet og beredskapspersonell.

Produksjonen er no tilbake til normalt.

Kor alvorleg ser de på situasjonen?

- Det er alltid alvorleg med gasslekkasje og når evakueringsalarmen går. Frykten er brann og eksplosjon.

Kring 200 tilsette vart evakuert etter gasslekkasjen på Mongstad mandag morgon.

Gassen som lak ut skal vera farleg for menneske, men ingen skal vera skadde.

Raffineriet sitt eige brannvern rykka ut til staden etter at alarmen gjekk 09.28.