Murstein var vanleg stein

For nokre veker sidan skreiv Nh om eit ektepar som fann murstein i peanøttposen. No viser analyseresultata at det var vanleg stein.

– Vi har sett slike steinar før. Dette er vanleg stein som ligg i jorda, og som føl med når maskinene tek peanøttene opp av jorda i USA, seier Berit Vessia i Unil AS.

– Når peanøttene vert pakka her i Norge, vert alle posane gjennomlyste. Det er tydeleg at røntgendetektoren har svikta i ei av maskinene. Det må vi gjera noko med, seier Vessia.

Ekteparet som oppdaga feilen vert lova eit gåvekort på 500 kroner når dei tek kontakt, seier ho til slutt.