- Ei katastrofe for Norge

Han forsikrar at Frp no er mellom dei som jobbar hardt for å få ubåt-saka til Stortinget.

- Alt tyder på at det finst sider her som ikkje er vurdert godt nok. Fleire verksemder, mellom dei Eide Marine Services, hevdar å ha teknologi til å heva båten. Då må vi i alle fall ta oss tid til å utreda skikkeleg. I staden verkar det som om Kystverket og regjeringa har sett heilt vekk frå dette, seier Hagesæter.

Den lokale stortingsmannen er ikkje i tvil om at økonomi har vore det viktigaste argumentet i regjeringa, sjølv om dei raud-grøne hardnakka hevdar annleis.

- Men det vert heilt feil å tenkja på pengar her. Frykta blant forbrukarane, ryktet til norsk fiserinæring og følgjene for turismen er springande kostnadar som fort langt overgår det ei heving vil kosta oss, seier han.

Hagesæter slår og fast at tildekking ikkje er så bombesikkert som enkelte hevdar.

- Det er gjerne trygt i 20-30 år, men kva deretter? Kvikksølv er eit stoff som aldri vert brote ned. Å få det vekk ein gong for alle er einaste løysing vi kan akseptera, seier han. Og saka handlar ikkje berre om Nordhordland. Dersom vi ikkje gjer noko med dette problemet er det ei katastrofe for Norge sitt rykte, legg han til.

Frp`aren seier at han no set si lit til SV for å få endra vedtaket.

- Regjeringa har fleirtal, difor er vi avhengig av at nokon bryt ut av det fleirtalet. Og SV mister truverde som miljøparti om dei støttar tildekking, seier han.